تابع قصه محمد وزينب

**************************************يوم فاني

مريم : حليو كان هناك ,, خساره خلص اليوم

زينب : هههههه بعد بنرووح اماكن فانيه يا الهبله

مريم : ايي صحي نسيت خخخخ

زينب : شفتين امس ايمان اخت محمد يا علي دليعه الله يعينهم عليها

مريم : اي دلووعه عدل

ما شافت زينب الا تلفوونها يرن

زينب : الووو

علي : هلا زينب شخبارش

زينب : هلاا عليييي اني زينه انت شخباارك و شخبار ساره

علي : انا زين ,, ساره امس اتصلت ليي من ايران تقول هي مستانسه هناك

الام : هذا علي ؟

زينب : ايي

الام : جيبي باجالمه

علي: الووو اماه

الام : امايي , شحوالك يا خلف جبدي

علي : حياش الله

و قعدوا يسولفوون و يهرهروون

زينب : خلصت البطاقه بس

الام : يلا مع السلامه ,, اتحمل برووحك يا حبيبي

وسكرو التلفوون

و راحت زينب حجرتها تنبش في اغراضها

مريم : ويش فيش جنش قطو ينبش في خمام

زينب : انتين ما تقولين جلمه عدله ,, هبله

لمحت مريم شي في كبت زينب مخشوش

مريم :

زينب : ويش فيش تبققين عويناتش ؟

مريم :هذا قوطي الايس تي الي هداك اليوم خشيتينه ؟

زينب : ايي

مريم : ويش تبغين فيه خاشتنه ؟

زينب :الحين بتشووفين ,, بس ابغي منش طلب

مريم : ويش ؟

زينب : روحي اشتري جلاده و شلوشن (( ستاكچيب ))

مرمي : و لويش كل هذا ؟

زينب : انتين روحي وبتشوفين

نفذت مريم الاوامر وراحت كل عشان تشوف ويش ناويه ختها تسوي

مريم : هاش جبتهم

زينب : عفيا يلا راقبيني

قامت زينب قصت القوطي من فوووق و اخذت جلاده وجلدته

زينب : هذي كل السالفه

مريم :صدق فاضيه ,, و ويش بتحطين فيه يا حظي

زينب : بحط فيه اقلام

مريم : انزين لويش كل هذا ؟ في المكتبه يبيعون جذي ما يحتاج تسوين

زينب : لان هذا القوطي غالي

مريم : بچم ؟

زين : ههههههه قصدي غاليي عليي

مريم : لويش غالي عليش ؟

زينب : بس , يلا بسش اسئله مللتيني

مريم : ربي يخلف عليش بعقل

ما سمعوا الا الباب يطق

الام : نعم ؟

ام محمد : شحوالكم

الام : حياش الله ,, حيا الله ام محمد تفضلي

ام محمد : زاد فضلش

الام: شحوالش و شحوال الجهال

ام محمد : هداني ما ليي حال

الام : عسى ما شر ويش صاير؟

ام محمد : الشر ما يجيش ,, بس ولدي محمد من جينا امس من الزبداني و نام ما صبح الا راسه جنه ضو ,, و وجهه جنه كركم

الام : يوووو ,, ما يشووف شر ,,و تلاقينه جاي من برى و دش في الايسي و صادته لفحه

ام محمد : ايي اني قلت جدي و قلت يمكن من هل البرجه الي تسبح فيها

الام : اييي حتى ولدي علي اذا يرووح هل البرچ الگشره لازم يمرض

ام محمد : ايي ,, واني طبيعتي اذا واحد يمرض من ولادي اخاف عليه واجد حتى لو المرض عاادي ما ادري لويش يصيدني هوس ,, حتى بناتي يقولون جان زين نمرض عشان يدلعوونا

الام : ما يشووف شر ,, بس انتين وديتينه الدختر ؟

ام محمد : ايي اليوم الصبح يوم قعدت وشفته يون خفت وقمت بلا راي و رحت وياه العياده و عطووه دوا

و قعدوا يسولفوون ,, تعرفوون سوالف النسوان ما تخلص

تالي طلعت ام محمد

زينب : مهلت واجد ,, ويش قاعدين تهدرون كل هل المده ؟

الام : مسكينه , ولدها مريض

زينب : اي ولد منهم ؟

الام : العوود ,, الي اسمه محمد

زينب :

الام : مسكين مريض فيه صخوونه و ماله حاال

زينبو يوم سمعت الخبر لا ارادي راحت تركض الحجره وقفلتها عليها

الام : زينب تعالي ويش فيش ؟

و زينب راحت على السرير و اخذت قوطي الايس تي الي سوته و العطر الي عاطاه اياها و حضنتهم وقعدت تصيح <<< حنونه

الام : زينب بطلي الباب الحين الحين

سمعت زين صووت امها وعرفت انها شكت فيها قامت مسحت دموعها و غسلت وجهها و طلعت تبطل الباب

زينب: نعم

الام : ويش فيش قعدتين تصيحين وتقفلين عليش الباب ؟

زينب : ما فيي شي بس يعني عور افادي مسكين الصبي توني شايفتنه امس يلعب و مستانس والحين ما له حال

الام : اييي مسكين ما يستاهل ,, هو واجد طيب

زينب : اي

الام : انزين ما له داعي تصيحين ,, هو اختش يوم مرضت ما صحتين

زينب : انزين

الام : ابغي اسويي شوربه جان تودين ليهم , لان الشوربه زينه للي فيهم صخونه

زينب: ايي سوي و اني بوديها

قامت الام و قعدت تسوي الشوربه و خلصت منها

مريم : الاااااي ريحتها خنينه حطي ليي بشرب

الام : هذي الى بيت ام محمد ولدها مريض بنودي ليه

مريم : محمد ؟

الام : اييي , ها روحي وديه ليهم

زينب : اماه اني قلت باوديه

الام : انزين هاش

راحت زينب تودي الشوربه

زينب : طق طق طق

ام محمد : من ؟

زينب : اني زينب

ام محمد : تفضلي حبيبتي دخلي

زينب : هذي شوربه من عند امي تقول الى محمد

ام محمد : الله يغنيكم ,, دخلي له

دخلت زينب و هناك محمد مسكين منبطح و لو تشوووفوونه مسكين

ويش اقوول ليكم ,, يعني وجهه اصفر و يون و يحن

شافت زينب محمد

زينب :

محمد :

الام : تعالي زينب دخلي الحجره

و راحت زينب ودخلت ومحمد مسكين و هو بمرضه وهو يطالع فيها << ما يستاهل

دخلت زينب الحجره

ام محمد : سامحينا بيتنا عفسه ,, ويش اسويي منشغله بمحمد مريض

زينب : عاادي

محمد : اماااااااه

ام محمد : يا عليييي ,, كل شي تاكله ترجعه ما بيدخل مصارينك شي

محمد :

جت الام الى زينب

ام محمد : هذا هوو من ياكل شي يرجعه

زينب : الله يشافيه ولا يشووف شر

ام محمد : اقدعي له

قدعت زينب و هي ضايق خلقه على محمد

زينب : يلا مع السلامه

ام محمد : ويش عاجلنش

زينب : بقووم

ام محمد : سلمي على امش و الله يغنيكم

طلعت زينب من البيت و وجه مو مفارقنها و هو مريض

دخلت الشقه

الام : عطيتينهم الشوربه ؟

ينب: اي

راحت زينب الحجره وقعدت حزينه وهي تكتب على الاوراق

M + Z = , وتكتب اشعار, و عيون تطيح منها دمعه و هل الاشياء يعني هههه

شافت مريم هل الاشياء المرسوومه

مريم : زينب ويش قصدش بــــ M + Z = ؟

زينب : ما يهمش ويلا فجي عني لا يجيش كف

مريم : ويش في معصبه عليي ؟ لو تحطين حرة غيري فيي اني ؟

زينب : اووووووهوووووو ولاخير ,و تدرين اطلعي برا

مريم : ماني

تالي قام الضرب والصراخ

الام : دوااااااهي

مريم :

زينب :

الام : زينب ويش سويتين في اختش ؟

زينب : ما ادري انتون سكتوا عني , مللتوني

مريم :

و الام مي مصدقه ان زينب طاحت ضرب في مريم

جا الابو وخبرته الام ان زينب طاحت ضرب في مريم

الابو : زينب لويش ضاربه اختش ؟

مريم : كل على حساب اقول ليها ويش قصدش بـــ Z + M = ?

الابو : زينب

زينب : ابويي ويش عليك منها اني يوم اكتب Z + M = قصدي اني و مريم نحب بعض للأبد ,, لان احنا كل وي بعض و نحب بعض

مريم : يعني انتين كان قصدش اني ؟

زينب : اي له بس انتون كل تشكوون فيي وتحسبووني اقصد شي ثاني

الابو : انزين انزين بس خلاص لا تصيحين ,, ويلا ستسمحي من اختش

زينب : انزين

تالي قامو سامحوا بعض

راحت زينب الحجره وقعدت تصيح على محمد

مريم : زينب قومي تغذي

زينب : انزين الحين بجي

تالي على الغذا كلهم ياكلوون بس زينب تسويي روحها تاكل << مي مشتهيه تاكل

الابو : زينب ويش فيش ما تاكلين ؟ اكلي لا

زينب : بس الحمد لله شبعت

الام : تعالي تعالي

زينب : ها

الام : ادري عنش ما اكلتين .. امشي اكلي

زينب : ما ابغي مو مشتهيه ,, وسكتوا عني لا تمللووني

الام : هذي ويش فيها ,,

راحت الام الى زينب وقعدت وياها في الحجره

الا م : زينب ويش فيش يا حبيبتي ؟

زينب : ما فيي شي

الام : لا فيش شي منتين على بعضش اليوم

زينب : لا بس اتذكرت ساره وعلي وصار افادي فيهم

الام : هكو توه متصل اخوووش صوبه صار افادش فيه

زينب : م هذا الي ذكرني بهم

الام : بس كلها جم يوم واحنا راجعين ولا تصيحين

زينب : انزين

يوم فاني العصر

الام : زينب هداني بارووح بيت ام محمد شوي وبرد اجي مو تتهاوشين وي اختش

زينب : اماه باجي وياش

الام : واختش تقعد بروحها

زينب : هههه هكو ابويي وياها له

الام : زين امشي

و راحوا

طق طق طق

ام محمد : نعم ؟

الام : شحوالش

ام محمد : حياش اله والنبي ؟,, تفضلووو

الام : شحوال محمد ان شاء الله اشوى

ام محمد : الحمد لله صار اشوى عن امس .. تفضلو

دخلوا داخل

الام : الحمد لله

ام محمد : وي على عمري البارحه ما نام من وجع الراس

الام : اييي الصخوونه بلوى ,, هو وينهي باسلم عليه

ام محمد : لحضه ,, محمد محمد

محمد : ها اماه

ام محمد : قوم يا حبيبي ام علي تبغي تسلم عليك

محمد : انزين

طلع محمد مسكين

ام علي: شحوالك محمد ان شاء الله اشوى

محمد : الحمد لله اشوى

ام علي : الحمد لله,, بس لا تدخل الايسي مره وحده وانت حران تالي تمرض

محمد : ان شاء الله

زينب : <<< مستانسه انه برى

ام محمد : قدوعووا تفضلوا

الام : الا بقوول , يقول ابو علي ان الليله المولد

ام محمد : اي له مولد الامام محمد الباقر

لام : ايييي ,, عجل بشتري حلاوه عشان اوزع الليله في صحن السيده

ام محمد : اي اني بعد نادره على محمد اذا برى بشتري حلاوه و بوزعه

الام : ايي ,, عجل الليله بنطلع وي بعض للصلاه

ام محمد : ان شاء الله

جت المغرب وراحوا يصلوون في صحن السيده

و خلصوا الاوادم الصلاه وقعدوا كل مجموعه تخلص صلاه تقعد تصفق و تقرأ مولد وتنفر حلاوه

مريم : اماه الااااااي باروووح اصفق وياهم

الام : صبري بتخلص ام محمد من الصلاه وبنرووح كلنا وياهم نصفق

خلصت ام محمد وراحوا يصفقوون ويقرون المولد و يوزعوون حلاوه

و مريم ما ليها حال تتقمز وتصفق وتصرخ وتجمع حلاوه الدنيا و ما حولت

زينب : الااااي حلو هذا الحلاوه عطيني واحد

مريم : ماني

زينب : صدق برصه ,, انزين وين يوزعوووونه ؟

مريم : هداك الصوووب روحي الحقي عليه

زينب : روحي انتين اخذ ليي واحد

مريم : روحي متفرغه لش

زينب : كريــــــــهه

راحت زينب قعدت صوب الناس الي يصفقوون ما شافت الا مره تدووور

المره : بدك تعرفي شو مستقبلك ؟

زينب : جيفه ؟

المره : اقرأ لك كفك

زينب : اييي ابغي ,, بجم

المره : بــــ ..... ,, بدك ؟

زينب : اييي

قامت المره تقرا ايد زينب

المره : عندك احد بتحبيه كتير كتير

زينب: اييييي

المره : صحيح ؟

زينب : ايي ,, و بعد قولي اشياء

المره : انت عصبيه شوي , ولا بتحبي احد يتكلم عن الي بتحبيه

زينب : هههه اي وبعد

المره : عندك احد بتغاري منووو كتييير ,, انت كنتي بتحبيه بس هلأ ما بتحبيه ,, اسموو يبدأ بحرف النون و هو يقرب لك

زينب : من ؟

المره : ههههه ما بعرف بس اسمو يبدأ بحرف النون

زينب : اييييييي عرفتها هي ندى بنت خالتي

المره : ههههههه ,, الي بتحبيه هو كمان بحبك و دايم بفكر فيك ,و بس هو هلأ في وعكه صحيه

زينب : اييي ,, انتين ساحره ؟

المره : لا مني ساحره بس اشووف الي مكتووب في ايدك ههههههههه

زينب : انزين كملي

المره : انتي بتكزبي على بيتك كتير بس ما بعرف شو السبب

زينب :

و قعدت تقوول ليها اشياء واجد وتطلع صح

و اخيرا قالت ليها

المره : حبيت اقول لك خبر مؤسف بدك تسمعيه ؟

زينب : ايي قولي

المره : الي بحبك ,, هو صدق يحبك بس ما بتتمكنوا من انكم تاخذو بعض للأسف

زينب :

المره :
زينب : لا لا مستحيل انتين جذابه

المره : انا شو بهمني الي مكتووب بيدك

زينب : جذابه

المره : بكيفيك .. بس انا هلأ بدي فلووسي

زينب : هاش اخذيهم

راحت المره و زينب مي راضيه تصدق و كل ما تذكر كلام المره تزيد صياح

الام : يوو زينب ويش فيش تصيحين

و زينب مي راضيه تنطق جلمه

الام : من ضربش ؟ ويش صاير ؟

زينب : ما ضربني احد

الام : عجل ويش فيش؟

زينب : ما فيي شي افففففف اني بروح البيت

راحت زينب تركض الشقه

و في دخلتها العماره كان هناك محمد مسكين توه قايم من فراشه يبغي شوي يطلع عن الحكره

زينب :

محمد : زينب

زينب :
ومشت راحت داخل الحجره

محمد : ويش فيها زينب جايه بروحها الشقه

راح محمد يطقطق الباب مال شقتهم لان شقتهم ما فيها احد وهو يخاف عليها بروحها في الشقه

محمد : طق طق

زينب : من ؟

محمد : انا

زينب : ويش تبغي اهيء اهيء

محمد : ليش راجعه البيت بروحش وانتين تصيحين

زينب : كيفي ,, ابغي اقعد بروحي في الشقه

محمد : انزين كيفش بس قفلي الباب عليش

زينب : وانتي ويش لك خص

محمد : انزين انزين خلااص ,, بس انتين لويش تصيحين ؟

زينب : ما يهمك

محمد : زين زين بااااي

راح محمد مسكين و هو محبط و لا يدري ويش صاير

قام رد رجع قال ما بيطلع يخاف يخلي زينب بروحها في شقه

قام قعد قبال شقة زينب << شوف الشهامه

تالي جو بيت محمد و بيت زينب

ام محمد : محمد ؟ ويش مقعدنك هني مو انت مريض

محمد : لاعت جبدي من القعده في الفراش قلت اقوووم

الام : ما شفت زينب ماره هني ؟

محمد : بلى دخلت الشقه وهي تصيح

ام علي : باروح شوفها جان مو احد متعلف بها

راحت ام علي و دخلت الشقه وهناك زينب ميته من الصياح

الام : زينب ويش فيش ما قعدتين ويانا هناك

زينب :

الام : ها

و زينب مي راضيه توقف من الصياح الدمووع اربع اربع

الام : ردي عليي

قامت زينب ما شافووها

الا

طايحه دوره

زينب :

الام : يا علي دواااااااااااااهي,, حريقه حرقتني ,,

م محمد : يووو ويش صاير

الام :بتي ماتت

سمع محمد الام تصارخ

محمد : زينب

راح محمد دخل الشقه وشاف زينب طايحه و فاقده وعيها

و امه ترش عليها ماي والام تصيح وترن

محمد : زينب

قام محمد على طووول يركض يبغي يرووح الى الدختر

وفي نزلته من علي الدرج الجده ومريم جايين وقوم يدعم في الجده وتطيح من فوووق تتدحلب الى تحت من على الدرج

مريم : محمد قتلت جدتي

محمد: << صارت عليه بلوى فانيه

ويش تتوقعون بصير ؟
***********************************

نلتقي في الحلقة القادمة من يوميات محمد وزينب

يسلموا على المجهود غلاتي

ربي يعطيك العافية