وهاي تكمله الجزء
وصل الباص الجسر و كملوا الاجراءات و كل شي وفي خلال ركوبهم الباص
الجده : يا علي ويش هل الحاله اني ويش يقدرني كل حين اركب وانزل
الام : اتحملي ياعمتي كل هذا عشان السيده زينب متعنين ليها
الجده : اي والله
المهم ركبوا كلهم الباص ومشى يتابع طريقه
زينب : اماه اني جوعانه
الام : ايي اني بعد جعت يمكن الحين يوزعون شي ناكله
مريم : اني باروح اقول الى راعي الحمله يجيب لينا اكل
وراحت مريم
مريم : احنا جواعه
راعي الباص : اييي هاش روحي وزعي عليهم هذا السندويش
و راحت مريم توزع
محمد : شوي شوي لا تنشطفين
مريم : لييي؟ اصلا هو مو ثقيل
محمد : ادري ,, بس انتين كل تتشطفين
مريم : اووو يلا رووح الناس جواعه و اني واقفه اتكلم وياك
وصلت مريم الى الجده
الجده: هذا وي ؟
مريم : سندويشه
الجده : على وي ؟
مريم : اوووف كل تتسألين انتين اخذي وبس
اخذت الجده السندويشه وكل شي
و يوم جت بتاكلها
الجده : هذا ويش كلها فلفل
زينب : انزين لويش تصرخين
الجده : اني هذي ما امبيها يلا متروسه فلفل
الام : هاش اخذي مالتي ما فيها
وقاام البااااص يمشي يمشيي وهم نايمين
وصلوا الفجر الى نص الطريق ووقفوا في محطه عشان يصلون الصبح
السواق : قعدوا قوموا صلوا
الام : عمتي قعدي
الجده : وصلنا سوريا ؟
الام : ههههههههههه وينه وين سوريا ,, وصلنا محطه عشان نصلي
الجده : اي
راحوا كلهم يتمسحوون وفي نزلت زينب من الباص
محمد :
زينب :
ومشت ولا عطته ويه <<<تستحي
المهم تالي صلوا كلهم وركبوا الباص الا نفر واحد مفقووود
الام : وين راحت عمتي
راحت الام تدورها
ولا سمعت الا
الجده تصرخ : ويش هل الحاله الدگره
الام : عمتي ويش صاير
الجده : عجل هي حاله غسلت اسناني وهداني ابي ماي مافي مبند
الام : انزين ما في داعي للصراخ عندنا احنا ماي بيلر
جا راعي الباص
راعي الباص : ويش صاير حجيه ؟
الام : لا ولا شي بس مبند الماي و عمتي مغسله اسنانها
راعي الباص : انزين لويش كل هل الصراخ عندنا ماي بيلر
الجده : لالا الحسين مات عطشان وانتون تلعبون بالماي
الام : بس انتين محتاجه له عادي
الجده : سامحني يا الحسين هداني محتاجه للماي
راعي الباص : تفضلي حجيه السواق يحارس
جت زينب
زينب : انتين عطلتينا ويش تسويين
الام : انتين روحي الباص وبعدين بقول لش الحين بنجي
زينب : انزين
خلصت الجده من مشكلتها و ركبوا الباص
الي في الباص كلهم : ويش صاير ليش عطلتونا ؟
الام : لا ولا شي
مشى الباص
زينب : ويش سالفتها هي بعد ؟
الام : مغسله ضروسها ولا في ماي
زينب : صدق متفرغه الحين هي عندها ضروس جان تغسلهم ؟ بس تبغى تسوي بلاوي وتعطلنا
مريم : جدتي تضحك
قام محمد يروح ويجي لدبة الماي <<مو عطشان بس عشان يشوف زينب
مريم : انت ولاخير وياك مللتنا تروح و تجي
زينب :
محمد : انتين اسمش مريم لا ؟
مريم : ايي ويش دراك
محمد : ادري وبس
زينب : ههههههه
محمد :
مريم : اني بعد اعرف اسمك
محمد : ويش هو ؟
مريم : محمد خخخخ
محمد : هههههه شاطره
مريم : امك احلى منك
محمد: ههههههههههههههههههههههههه صدق؟
مريم : ايي
زينب متفشله : مريم سكتي
محمد يطالع في زينب : حتى اختش احلى منش واهدأ منش
مريم : اصلا احنا نشبه بعض
محمد : ما تشبهوون بعض
مريم : اووو انزين روح فكنا
محمد : هاش اخذي علووج واعطي اختش
مريم : الااي حلوو هل العلووج
محمد : ايي اعطي اختش لا
مريم : هاش اخذي
زينب :
مريم : حلو مو ؟
زينب : تالي باكله
محمد : يلا باااي
يوم راح محمد
زينب : اني جم مره قايله لش لا تصيرين فوضويه
مريم :
عقب مده رن تلفون زينب
زينب : الووو
ساره : الو زينب شخبارش
زينب : هلاا تمام انتون شخباركم
الام : هذي ساره اعطيني التلفوون بسرعه
زينب : انزين اخذي
وقعدت الام تتكلم وي ساره وعلي
مريم : اني بعد ابغي اتكلم وياهم
الام : انزين ساره تبغاش مريم
ساره : جيبيها
وقعدت مريم تتكلم وي ساره وعلي
زينب: بس اقطعواا يصرف عليي وعليهم
مريم : يلا باااي وقطعته
زينب : خسرتوووني واجد
الجده : ما سافرت ساره ؟
الام: باجر بتسافر
الجده : اي
عقب مده طويله وقف الباص عشان يصلون
عقب ما صلت زينب ومريم راحوا على طول السوبرماركت عشان يشترون ليهم اجباس وحلويات وغيره
وهم يمشوون ما داروا الا محمد و وياه صبيان جايين نفس السوبرماركت
راحت زينب و مريم مكان الاجباس ومحمد وراهم
مريم : شوفي ما قلت لش هذا ملقووف هكو يمشي ورانا
زينب :
مريم : هي انت ويش تبى تجي ورانا ؟
محمد : ولا شي بس ابغي اخذ اجباس
مريم : زين خذ احنا بنروح ناخذ شي ثاني ولا تلحق ورانا
محمد في قلبه : هي لغويه ويش يسكتها
و راحت زينب في مكان تشتري ليها ومريم في مكان
ومحمد يلحق ورى زينب
راحت زينب تبغى تاخذ ليها قوطي ايس تي
ومحمد بعد يبغى ياخذ نفس المشرووب
توها بتاخذ القوطي الا محمد في وجهها
محمد : تحبينه؟
زينب : ها
خافت زينب وانتفضت لانها اول مره يكلمها محمد وجها لوجه وراحت تمشي بسرعه تدور ختها
محمد : تستحي مني خخخخ
مريم : انتي وين رحتين ضيعتيني في هل المتاهات ؟
زينب : هاا انتين الي وينش امشي بسرعه نروح ندفع
مريم : بس ما اشتريتين لش شي
زينب : ايي صدق بس هكو اخذت جبسين امشي بسرعه
وراحت زينب تدفع وهي خايفه واخذت اجباس ما تحبهم من زود خوفها
وركبت الباص
ومريم قاعده تمشي على مهلها
محمد : مريم
مريم : نعم ؟
محمد : هاش ودي هذا القوطي الى اختش
مريم : لوي ؟
محمد : لان نسته هناك <<يجذب هو اشتراه ليها
مريم : اها جيبه
راحت مريم تودي القوطي الى زينب
مريم : زينب هاش اخذي مالش نسيتينه
زينب: اني ؟
مريم : ايي شافه محمد هداك الي امه عطتنا البسووبسه
زينب : اني ما اشتريت هذا لكن
مريم : ما ادري هو قال لي جذي
زينب في قلبها : اكيد هو اشتراه ليي
**************************************
الى اللقاء في الحلقه القادمه
موضوع: تابع قصه محمد وزينب 
الخميس يناير 29, 2009 1:41 am
